Re: zenbait herrialdeen izenak euskaraz

Hala ere, ez nago ados EIMAk argitaratutako Onomastika izeneko  
liburuxkan agertu diren zenbait izenekin. Barkatu betiko gaia  
ateratzen badut, baina egin zuten gehiena, Elhuyarren gauzak --  
perlak zein txorakeriak -- kopiatzea izan zen. Jakina, Elhuyarreko  
jende asko tartean dagoelako.
Beraz, "Makiavelo", "Vespuzio", "Anberes", eta "Joan Kalbin" bezalako  
astakeria galantak inposatu nahi dituzte eta euskaldun arruntak  
isilik daude, axolarik gabe, ezer ez eztabaitatzeke, ezer ez esan  
gabe, ezer ez arduratu barik. Egia esan, oro har, axolagabekeria jaun  
eta jabe da euskaldungoan, Keith Johnson bezalako kalamidadeek  
iraintzen ez duten bitartean. Bitartean, "Joan Kalbin" tankerako  
itxuragabekeriak batzorde itxi batean erabakitzen dira, inolako  
funtsik gabe.  Zorionez, Euskaltzaindiak ez ditu izen horiek erabaki  
oraindik baina beldur naiz, EIMAren "Onomastika light " horrengatik,   
euskañolaren bidea hartuko ote duten . Eta gero galdetzen dute  
zergatik euskarak ez ote duen espero den aurrerapauso handirik egin  
gizartean. Noiz aterako da euskal unibertsoa gaztelaniaren orbitatik?  
Gauzak orain arte jarraituz gero, datorren mendeko otsailaren 30ean  
edo 31ean.

Etsita nauka la cultura baskak, baina datozen belaunaldietan  
erabakiko da, azkenean, euskararen patua. Bitartean, gaztelaniaz  
hezitako jendeak agintzen du euscalginchan, Iparraldeko jendearen  
kalterako. Hala ere, nire hiztegietan, joera bitak sartuko ditut, bai  
euspañola, bai euskara zaindua (Euskaltzaindiak babesten duena,  
jakina). Bitartean, jakina, besteek, neurri handian, esfortzugabeko  
euspañola edo euspainola soil-soilik sartuko dute, besterik ezin  
dutelako. Pena da, baina ez dute erantzungo ez eztabaidatuko,  
itzulist ez baita "forum" bat hori egiteko (eta ez dago inon gainera).

Seguraski, betikoek erasoko didate betiko argudioekin, betiko  
irainekin eta ez diet, ez,  erantzungo baina modu onean erantzuten  
didatenei bai erantzungo.  Noizean behin, zenbait gauza plazaratu  
behar dira konformismo ergelari aurre egiteko.

Bakea izan bedi zuekin.

On 07-aza-18, at 09:22, gegia@... wrote:

>> EIMAk argitaratutako Onomastika izeneko liburuxkarekin
> batera  datorren CDan aurkituko dituzu horietako
> gehienak. Uste  dut Interneten  ere  lor  daitekeela
> liburuxkaren  edukia (eta  CDarena), baina ez naiz
> helbideaz oroitzen.
>
>
> Onomastika liburuxka:
> http://tinyurl.com/2y6oem
>
> Onomastika zerrendak:
> http://tinyurl.com/2exr6k
>
> Biak EHUko Euskara Zerbitzuaren webgunearen barruan dira:
> http://www.euskara-errektoreordetza.ehu.es/p076-11752/eu
>
> --
> Gotzon Egia
> gegia@...
> 43º 19' 13.5" N 1º 57' 50.4" W