Hajrudin Muja | 24 Nov 04:26 2005
Picon

ANTOLOGJI E FJALE SE MENÇUR (III)

ANTOLOGJI E FJALE SE MENÇUR (III)

         

Nëse nga frika e kërkoni qetësinë e kënaqësinë e dashurisë, më mirë mbulonie lakuriqsinë tuaj, çaponije prakun e saj  dhe kaloni në botën e pastinë ku mund të qeshni, por jo me tër gazin dhe të qani por jo të derdhni tërë lotët. (K. Gibran)

Thuhet se Ibni Sina i ka thënë një njeriu: "Çka do të mund të jetë e dukur, kur askush nuk do të jetë për të parë?" Dijetari në këtë i është përgjegjë: "Çka nuk mund të shihet, kur ekziston dikush që e sheh.

Kurr nuk kam dëshirë të flas me njeriun që ka shkruar shumë, por me ate që ka lexuar shumë. (Dr. Johnson)

Nëse ne nuk kemi një talent natyrorë për të njoftë vleren morale të një vepre, atëherë nuk do të kishte vleftë në ne as etika. (Aleks Bertrani)

Njeriu është i lirë në ate që ka dituri, dhe nuk është i lirë në ate që nuk ka dituri. (Gazali)

Shkenca nuk e ka kuptuar esencën e asnjë sendi në tërësi. Vetëm i dijmë emrat e këtyre sendeve, por jo edhe esencialitetin e tyre. Ne nëmes vedi shërbehemi me terma, ndërsa esencën e tyre nuk e njohim. (M.Mahmud)

Duhet të mësosh shum, që të kuptosh se di pak. (Montenj)

I padituri habitet që sendet janë ashtu siç janë dhe kjo habi është fillimi i diturisë. I urti, përkunrazi, do të habitej në rast se sendet do të ishin ndryshe dhe jo siç i njeh ai. (Aristoteli)

Kurdoherë që diçka s'kemi mundur të kuptojmë kemi thënë se kjo rastësisht ka ndodhur, por a është kjo e arsyeshme. (M. Mahmud)

Puno sipas asaj që di, e do ta mësosh edhe ate që nuk e di. (Gazali)

Kam mundur ti ngjalli të vdekurit, por ka qenë e pa mundur ta shëroj njeriun budalla. (Isa a.s)

Më i marrë në këtë botë, është ai që e lë diturin dhe njerëzit e ditur, dhe shoqërohet me të paditurit dhe me ata që e kalojnë kohën kot. (Proverb turMë mirë është diçka të dijsh, se shumë të punosh. Sa më pak që të dijë njeriu, aq më i pa vlerë është. (H. Ali r.a)

Jepi përparësi shoqërisë më shumë se vetëvehtes. Dhe nëse sheh njerëz që përmendin diçka të vlefshme (Allahun xh,sh) shoqroju atyre, sepse në qofsh i ditur, ata do të kenë dobi prej diturisë sate, e nëse je i padishëm, do të mësosh diçka prej diturisë së tyre. (Ll. Hekim)

Nëse mendon se me mjekërr je i ditur në jetë, atëherë cjapi mjekrrosh është dietar i vërtetë. (Lukiani)

Kush mbartë më shumë se në të vërtetë mund të mbartë, do të dobësohet. Kush krenohet me vetëvehten, do të mposhtet. Kush e mban vehten të ngritur nga njerzit tjerë, do të jetë i mposhtur. Kush nuk këshillon, do të pendohet. Kush shoqërohet me njerz të ditur, do të mësojë. Kush flet pak, nuk do të pendohet. (Ll. Hekim)

Sa më shumë lexoni pa u menduar, aq më tepër bindeni se dini shum. Kurse sa më shum mendoni duke lexuar, aq më qartë e shihni se ende dini shum pak. (Volter)

Ai që nuk është i bukur në njëzet vitet e jetës, Aj që nuk është i fortë në tridhjet vitet e jetës, Aj që nuk është i pasur në katërdhjet vitet e jetës, Aj që nuk është i dijshëm në pesdhjet vitet e jetës; Aj kurrë nuk do të jetë as i bukur, as i fortë, as i pasur as i ditur. (Herbert)

     Nxënësi i pa vemendshëm është sikurse i dashuruari që nuk ka para. Udhëtari i paditur, është sikurse shpendi pa krahë. Dietari që nuk e zbaton diturinë e tij, është sikurse druri pa fryt. Besimtari i paditur është sikurse shtëpija pa dyer. (S. Gjulistani)

     Librat janë testamenti i një brezi për brezin tjetër, këshilla e plakut që po vdes pë të riun që po nis të jetojë, urdhëri që jep roja i cili e lë detyrën për rojen që i zë vendin. (A. Hercen)

     Nuk mjafton gjysma e jetës për të shkruar një libër të mirë, dhe gjysma tjetër për ta ndrequr. (Zh. Zh. Ruso)

     Të jesh në mes librave është njësoj si të jeshë në mes njerzish, mund të biesh në shoqri të mirë ose të keqe. (Helvecius)

     Ligji i parë i artit është: Në qoftë se nuk ke ç'të shkruash, hesht. Në qoftë se ke ç'të thuash, thuaje dhe mos gënje. (R. Rolan)

     Të jesh shkrimtar, do të thotë të kuptosh se nuk di asgjë, po synon të dijsh gjithçka. (M. Nekse)

     E kan pyetur një njeri: "Në çka përngjet dijetari icili nuk vepron në bazë të diturisë së tij?"  E ai i është përgjigjur: "Në bletën që nuk ka mjaltë.

     Dy njerëz do të vdesin dhe do ta marrin me vehte pikëllimin:

‑ Njëri është ai që ka patur e nuk i ka shpenzuar,

‑ Tjetri është ai që ka pasë dituri, por nuk ka vepruar në bazë të diturisë së tij. (S. Gjulistani)

     Të shkruash nuk është kurrë vonë. Dyzetvjetori është mosha e vjetër e rinisë, ndërsa pesëdhjet vjetori është rinia e moshës së vjetër. (Servantes)

     Të gjith i japin këshillat falas, sepse askush nuk i blen. (Zhan Peti San)

     Budallai gjithnjë gjenë një budalla më të madh se vehten që habitet me të. (N. Bualo)

     I mençuri nuk i thotë të birit mos gabo, por gabo sa më pak. (S. Frashëri)

     Te i padituri, nuk ka asgjë më të mirë se heshtja, por sikur ai ta dinte këtë, nuk do të ishte i paditur. (Gjulistani)

     I mençuri mëson prej pësimeve të tjerëve, kuse budalla prej gabimeve të veta.  

     Kur dëshiron të këshillohesh me dikë për një punë tënden vetjake, atëherë më parë shih me vemendje se si i ka rregulluar ai punët vetjake. (Isokrati)

     Kur e gjith bota e ka gabim, gjith bota ka të drejtë. (R. Kipling)

     Kur nuk keni argumente të shëndosha për të kundërshtuar, më mirë mos thoni asgjë. Një mbrojtje e dobët vetëm ja shton forcat armikut, kurse heshtja dëmton më pak se një përgjegje e ngathët. (K. Kalton)

     Urtësia e njeriut konsiston në njohjen e së vërtetës. (Gëte)

     Eshtë padituri që njeriu nuk e din vehten të paditur. Kjo është më e keqe ndër të paditur, është lëngatë kronike që rrallë pranon shërim, për arsye se njeriu asht i bindur se ajo asht dituri e plotësim e jo padituri e lëngatë, prandaj nuk i shtrohet shërimit e me gjetë ilaçin.

     Cdo fjalë që s'del prej maksimes është vetëm dëm, e çdo heshtje ecila nuk është e bazuar në të menduar, është vetëm pakujdesje. (H. Basri)

Mos i përdorni fjalët që nuk i përdorni duke menduar. (P. Valeri)

Mësuesi që endet nën hijen e tempullit, mes nxënësve të vet, nuk shprehet nga mendja, por nga besimi e dashuria, po qëlloj të jetë i urtë, ai nuk kërkon prej teje të hyjsh në shtëpinë e diturisë së tij, por të drejton kah pragu i mendjes sate. (Gibran)

Gjithkujt i bien në mend, mendime të marra, por i mençuri nuk i thotë. (Bah)

Së pari thuaji vehtes, e nëse vetë arrinë t'a marrësh këshillën, mund t'u flasish edhe të tjerëve, për ndryshe turpërohu para Krijuesit tënd. (Isa as)

Ai që e din përmendësh doktrinën edhe nuk e përmirson ate, gjegjsisht nuk e ndrron ate, përngjet në njeriun i cili e ndezë llampen e i mbyllë sytë. (Vivekananda)

E kan pyetur Muhammed El ‑ Gazaliun, si e arrijte këtë dituri? ‑ ashtuqë nuk kam ngurruar kurr të pyes për diçka që nuk kam dijt ‑ është përgjigjur. (Gjulistani)

Kur një budalla na thotë një lëvdatë, nuk na duket më aq i trashë. (F.la Rofushko)

Mendimet, ashtu si edhe njerëzit, kan rinin e tyre. (F.Bekon)

Kush do të shpinte në gjygj nëse grisë petkat që s'i zënë udhën askujt. Astronomi mund të ligjërojë mbi të kuptuarit e vet të gjithësisë, por nuk mund të dhurojë atë të kuptuar. Këngëtari mund të këndojë me ritmet e gjith botës, por nuk mund të japë veshin që kapë ritmin, as zërin që jehon. (K. Gibran)

Më të mësuarit, nuk janë më të mençurit. (Xh. Coser)

Duke biseduar me një djalosh arab, ligjërimi i të cilit më mahniste, në një rast i thashë:  - A do të gëzonte ty, sikur në pronësi të kishe 100 mij lira, por ama të ishe i marrë? - Jo për Zotin - mu përgjigj! - Përse - e pyeta. - Kam frikë se mos do të më vijë budallallyku, pastaj do të humbas tërë pasurinë, e mua do të më mbetet vetëm budallallyku. (Xh. Rumi)

Mjekrra nuk të bën filozof. (provebër italian)

Mund të jemi më të zgjuar se dikush, por jo më të zgjuar se gjithkush. (Gëte)

Dituria nuk ka lidhje direkte me moralin e jetës njerëzore. (M Esad)

Autonomija morale, qëndron mbi shkencë. (Veber)

Kurr askush nuk do të dojë nëse mendon vetëm për vehte.

Bëhu i mirë, nëse nuk mund të bëhesh i mençur.

Më mirë të keshë në kokë, sesa në xhep. (Popullore)

Sa më të mirë që të jenë shkrimtarët, aq më pak do të flasim për veprat e tyre. (E. Heminguej)

Shpirtvegjël janë ata që punën e mësuesit e konsiderojnë të vogël. (Dositei)

Bima zbukurohet me lule, njeriu me mend, populli me kulturë kurse nëna me fëmijë. (D. Prokiq)

...koka e ditur i falet budallahit të argjentë. (Shekspir)

Njeriu nuk bëhet i mirë dhe i mençur nëse lexon shumë e shpesh, por nëse lexon shumë e shpesh fjalë të mira. (M.Luter)

Ekziston një dallim i madh në mes të asaj që lexohet për kënaqësi e për argëtim edhe asaj që lexohet për njohuri më të thella. (Gëte)

     Kush lexon çfardo qoftë, qëndron shmë më larg nga ai që nuk lexon fare. (Bjelinski)

     Bota pa libra është botë e egërsirës. (N.Marzov)

     Për një të shkolluar nuk ka gjë më të çuditshme e më të dënueshme se kur flet për diçka që nuk e njeh mirë. (Brooks)

     Duhet ta shohim dritën në shkronjat e vdekura të librit. (N.Nahajev)

     Literatura është sikurse trandofili plot ferra, poqëse nuk pastrohet, mbisundojnë ferrat. (V.Shklovski)

     Librat e rinj, kanë një të metë të  madhe, na pengojnë të lexojmë të vjetrat. (J. Jonbert)

     Sofokliu, shkrimtar i madh tragjedik grek (496-406), është ankue se i duhen tri dit të shkruaj tre rreshta. - Tri - çuditet nji shkrimtar tjetër - për tri dit unë do të shkruaj njëqind rreshta! - Po - përgjigjet Sofokliu - veç se ato kan për të jetuar tri dit.

     Ndero mjekun në don mu shërue, Ndero mësuesin në don mu mësue. (popullore)

     Sa më shumë të dijsh, aq më shumë kupton se nuk din asgjë.

     Zakonisht, ai që thotë se është i ditur, ai në fakt nuk din asgjë. ("E I")

     Nëse të furnizon Allahu me dituri, atëherë shpërndaju të tjerve. I dituri është i ngjajshëm me bartësin e fenerit, në rrugë të errët. Cdokush që kalon andej lutet për bartësin që të ketë bereqet dhe mirëqenije. Dituria që nuk shpërndahet është e ngjajshme me një idhull që nuk han, nuk pin e as  nuk sjedh ndonjë dobi. Dituria është thesarë që duhet shpërndarë. (H. Basri)

     Të mençurit dhe të marrët nuk bëjnë dëm kurrë? Çdo dëm vjen nga gjysmakët, nga ato që nuk janë as të marrë as të mençur.(Gëte)

     Të pranosh se nuk ke pasur të drejtë, do të thotë të bëhesh më i mençur se sa ishe. (P. Buast)

     Nëqoftëse i bind njerëzit se si të mendojnë, ata të duan, në qoftë se i detyron të mendojnë, ata të urrejnë. (D. Markizi)

     Nuk është i mençur ai që di të dallojë të mirën nga e keqja, por ai që di të zgjedhë më të voglin nga dy të këqija. (Proverb arab)

     Njerëzit e trashë nuk janë gjithnjë të parrezikshëm. Ata kan aq zotsi sa të thonë pikërisht aq sa duhet për të fyer ose për të shpifur kundër një të afërmi. (H.Filding)

     O njerëz, mbajeni mend prej meje këto pesë gjëra:‑ Mos ti frigohet kush askujt, përveç gabimeve të veta.‑ Mos tu hiqet kush fjalës "nuk di" nëse dikush të pyetë diçka për të cilën nuk din.‑ Durimi në të gjitha çështjet është sikurse koka në trup..‑ Mos nguroni të pyesni për ate që nuk dini.‑ Askush prej jush mos të kërkojë edhe mos të bjerë në mëshirën e ndokujt, përveç në mëshirën e Zotit. (H. Ali r.a)

     Njeriu pa mend ankohet se nuk e njohin njerëzit. Njeriu me mend ankohet se nuk i njeh njerëzit. (Konfuci)

     Një budalla i ditur është më budalla se një budalla i paditur. (Molier)

     Mos rri shumë aty ku llomotitet (folet pa nevojë), se shkakton urrejtje dhe armiqësi. (Ll. Hekim)

            Sa më shumë që të largohet një myster, aq më shumë largohet dëshira e jonë prej tij. Sa më i pamundur që të jetë zbulimi i musterit, aq më shumë shtohet dëshira për ti gjetë rrënjët e saja. (S. Spasse)

  Njeriu shum mendon për të ardhmen, por shumë pak i afrohet së vërtetës. (M.Isaku)

  Njeriu duhet të besojë vazhdimisht se e pakuptueshmja është e kuptueshme, për ndryshe nuk do të zbulonte asgjë. (Gëte)

  Respektoje mençurinë, edhe ti do të çmohesh. (Ll. Hekim)

  Njeriu është libër gjithpërfshirës, kurse kosmosi janë faqet e tij. (Filozofi sufiste)

  Pasi të kesh dërguar nëntë budallenj për të krye ndonjë punë, shko edhe ti pas tyre në mënyrë që të mos jesh i dhjeti. (anonime)

  Po deshe të jesh i mençur, mësohu të pyesish me mend, të dëgjosh me vemendje, të përgjigjesh i qetë dhe të pushosh së foluri kur nuk ke çfar të thuash më. (I. Lafater)

  Të diturit flasin sepse kan diçka për të thënë, budallenjt sepse duan edhe ata të thonë diçka. (Platon)

  Më i marrë në këtë botë është ai, icili e lë diturinë dhe njerzit e ditur e fillon e shoqrohet me të paditurin e me njerëz që e kalojnë kohën kot. (Imam Azam)

  Ai icili mbërrinë dituri, por nuk punon sipas saj: është i njëjtë me fletoren që u shërben të tjerëve por vetë është e zbrazët; ose është sikur griha që i grihon të tjerët kurse vetë është e thyer;  ose është sikurse gjilpëra që i veshë të tjerët, kurse vetë është e zdeshur. Atij i përngjan edhe fitili i dhambës i cili të tjerëve u bën dritë e vetë digjet. Ai icili i mëson të tjerët, merret me detyrë të madhe dhe me përgjegjësi. (Gazali)

  Nuk ka vorfëri ma të madhe se paditurija, pasuri ma të madhe se shpirti, marri ma të madhe se me admirue vehten.

  Dituria pa vepra është marrëzi e vërtetë, e vepra pa dituri, as që mund të ekzistojë. (Gazali)

Njerzit e paditur, në shumicë rrojnë me shum se të diturit, se këtyre u punon natë  e ditë mendja e ashtu u prishet organizmi. (Faik Konica)

  Çdo fjalë e cila nuk rrjedh prej urtësisë, është vetëm dëm, dhe çdo heshtje e cila nuk është e bazuar në të menduar, është vetëm pakujdesi (mospërfillje). (H. Basri)

  Një i marrë hjedh një gurë në ujë, dhjetë të mençur se nxjerrin dot... (popullore)

  Frika është pasojë e diturisë, Shpresa është pasojë e bindjes, Dashuria është rezultat i njohjes, Dëshmia e frikës është ikja, Dëshmia e shpresës është kërkesa, Dëshmia e dashurisë janë gjurmët e saja. (Gazali)

  Një Zahid thotë: "Nga mësimi (Ibreti) zmadhohet dija, nga dhikri zmadhohet dashuria dhe nga të menduarit zmadhohet frika". (Gazali)

  Shkretira më e madhe në botë nuk gjendet në Afrikë, por në shtëpinë pa libra.

  Në vend që të shesish dituri dhe zotësi, përpiqu t'i fitosh ato. (S. Frashëri)

  Dituria është mjet dhe jo qëllim. Mund të dishë shumë dhe të mos e dishë atë që duhet ditur. (L, Tolstoi)

  I padituri habitet që sendet janë ashtu siç janë dhe kjo është fillimi i dijes. I urti, përkundrazi do të habitet në rast se sendet do të ishin ndryshe dhe jo siç i njeh ai. (Aristoteli)

     Padituria është nata e mendjes, një natë pa yje e pa hënë. (Ciceroni)

     Pokish dashur çdo njeri të jetë i ditur aq sa donte të ishte i bukur, nuk do të kishte padituri në botë. (thënije orijentale)

     Sa më shumë lexoni pa u menduar, aq më tepër bindeni se dini shumë, kurse sa më shumë mendoni duke lexuar aq më qartë e shihni se ende dini shumë pak. (Volter)

     Të dimë çka dimë dhe të mos dimë çka nuk dimë është dituri e vërtetë. (A. Toro)

     Po të shiteshin mend në treg, edhe budallait më të madh të vetat i duken më të mira. (Hasan b Ali)

     Thuhet se Ibni Sinau e ka pyetë një dietarë: "Çka do të mund të jetë e dukur, kur askush nuk do të jetë për ta parë?" Dietari në këtë i është përgjigjur: "Çka nuk mund të shihet, kur ekziston dikush që e sheh!?".

     Nuk është i shurdhër e i verbër ai që biologjikisht është i tillë, por ai që nuk don të shohë e të dëgjojë të vërtetën. (Philos)

     Të pyesësh do të thotë të dërgosh të sëmurin te mjeku që të konstatojë sëmundjen, kurse të përgjigjurit është njohja e sëmundjes dhe përpjekja që i sëmuri të shërohet.. Nëse sëmundja është kronike dhe e pa shërueshme e gjith dituria për mjekun është që ta njohë kotësinë, pamundësinë e shërimit dhe të mos e harxhojë kohën kot. (Gazali)

Vijon (Inshaallah)

                                            Pëegaditi: Hajrudin Muja



SPONSORED LINKS
Tek Albanian Learn albanian
Albanian music Albanian english Albanian dating

YAHOO! GROUPS LINKS



Gmane